Bloqlara geri qayıt

Sahibkarlıq fəaliyyəti

E-partners

Şəxslərin müstəqil şəkildə həyata keçirdiyi və əsas məqsədi mənfəət əldə etmək olan fəaliyyətdir. Bu fəaliyyət əmlakdan istifadə, malların istehsalı və ya satışı, işlərin görülməsi və xidmətlərin göstərilməsi formasında həyata keçirilə bilər.
Azərbaycan Respublikasının vergi qanunvericiliyinə əsasən, hər bir şəxs sahibkarlıq fəaliyyətinə başlamazdan əvvəl mütləq şəkildə vergi orqanlarında qeydiyyatdan keçməlidir.
Vergi orqanında qeydiyyatdan keçmə aşağıdakı qaydalarla mümkündür:
Kağız daşıyıcıda ümumi qaydada — vergi orqanlarının xidmət mərkəzlərinə müraciət etməklə;
Elektron qaydada — asan imza vasitəsilə Vergi Xidmətinin rəsmi internet səhifəsi üzərindən.

Sahibkarlığa yeni başlayan şəxslər hansı verginin ödəyicisi olurlar?
Sahibkarlıq fəaliyyətinə başlayan şəxslər fəaliyyət formasından və dövriyyə həcmindən asılı olaraq aşağıdakı vergilərdən birinin ödəyicisi olurlar:

  1. Mənfəət (hüquqi şəxslər üçün) və ya gəlir vergisi (fərdi sahibkarlar üçün)
  2. Sadələşdirilmiş vergi (məhdud fəaliyyət sahələri üçün nəzərdə tutulur)
    Mənfəət vergisi və ya gəlir vergisi birbaşa sahibkarların müvafiq fəaliyyətdən mənfəətindən (ümumi gəlirlərindən mümkün xərclərin çıxılmasından sonra qalan hissə), sadələşdirilmiş vergi isə ümumi daxilolmalarından tutulur. Bununla yanaşı olaraq, Azərbaycan Respublikasında qüvvədə olan qanunvericilik aktlarına görə digər vergilər də müəyyən edilir:
    fiziki şəxslərin muzdlu işdən gəlir vergisi, əlavə dəyər vergisi, aksizlər, əmlak vergisi, torpaq vergisi, yol vergisi, mədən vergisi, xüsusi olaraq ödəmə mənbəyində vergi (mənfəət və ya gəlir vergisinin xüsusi hissəsi kimi nəzərdə tutulur və vergitutma obyekti yerli sahibkarların mənfəət və ya gəliri ilə yanaşı Azərbaycan Respublikasında vergi qeydiyyatına alınmayan qeyri-rezidentlərin Azərbaycan mənbəyindən gəlirlərini və xarici subpodratçıların mənfəət və gəlirlərini əhatə edir).
    Vergi ödəmələri ilə yanaşı sahibkarlar sığorta ödəmələri formasında digər icbari ödəmələri də icra etməlidir.
    Hər bir şəxs vergi orqanında qeydiyyatdan keçərkən qeydiyyata aid ərizədə vergi mükələfiyyətini könüllü olaraq seçir. Lakin, bilinməlidir ki, hansı vergi mükəlləfiyyətinin seçilməsi gələcəkdə sahibkarın öz fəaliyyətinə uyğun daha optimal vergi siyasəti aparmasını müəyyən edəcək. Şirkətimiz sahibkarlıq fəaliyyətinə başlayan hər bir şəxsə və ya sahibkarlıqla məşğul olan və icra etdiyi əməliyyatların tam qanunvericilik daxilində və ən optimal üsulla icra edildiyinə əmin olmaq istəyən bütün şəxslərə müvafiq məsləhətləşmələr təklif edir. Biz sahibkarlara həm öhdəliklərini aydın başa düşməyə, həm də vergiləri vaxtında və düzgün ödəməyə imkan yaradırıq.
    Biz təkidlə bildiririk ki, bizimlə əməkdaşlığa başlamaq sizi gələcəkdə gözlənilməz xərclərdən sığortalayacaq. Unutmayaq ki, qanunları yaxşı mənimsəyərək üstünlüklərdən yararlanmaq qanun pozuntusu deyil, şəxslərin öz işlərinə daha məsul yanaşdığının göstəricisidir.

E-Partners

Müvəffəqiyyət və böyümə həyata keçirən inteqrasiya edilmiş biznes həlləri təqdim edirik.

Əlaqə

+994 10 526 66 96
Çinar Park BM, Bina 2, Ziya Bünyadov, 1965 Mərtəbə 3, Baku 1075
© Bütün hüquqlar qorunur.
Designed and developed by Crocusoft